Basebetsi ba lifeme ba fetang likete tse ’ne ba lahlehetsoe ke mesebetsi selemong se fetileng sa lichelete

Koporasi ea Ntlafatso ea Moruo Lesotho, LNDC, e re basebetsi ba lifeme ba kaholimo ho likete tse ’ne le makholo a supileng, ba lahlehetsoe ke mesebetsi lipakeng tsa Tlhakubele ea ngoahola lea selemo sena. Tahlehelo e re tlhokahalo ea mesebetsi e nyolohile ka linoko tse leshome le metso e meraro lekholong, Lesotho lohle. Litaba tsena li phatlalalitsoe bohareng ba Mots’ehanong, monongoaha. Monghali Ts’epang Makakole oa mekhatlo ea basebetsi ba lifeme, o re lipalo tsena li eketsehile ka palo e kaholimo ho sekete le makholo a supileng, ka ha ho sa tsoa koaloa Vishan Ace Apparel, ea Maputsoe, Leribe le Taiyan-Liahelo ea Ha Thetsane, Maseru. Nyaka-nyaka o re leholiotsoana lena le futsitse basebetsi ba ntseng ba le jokong ka ho notla meputso ea bona ho tlang ka hore ba se ba na le ho sebetsa matsatsi a fokolang khoeling.