Moahi oa Roma Hatabutle, Maseru, o itlamme ka pele ho sepolesa sa tikoloho eo ho lefa sehoai sa meroho likete tse peli tsa maloti, ka mor’a ho ts’oaroa ka kotola ea k’habeche hoseng ha Lapele la beke ena. Monghali Letsatsi Nkaleche, o re monna enoa o ne a ile a fihla ts’imong ea hae, a re o tlil’o batlela moreki ea batlang k’habeche ka bongata, empa a mo bolella hore ha e eso tiee hantle, eaka o utloile athe o tla menahana le mehlala. O re hoseng haa ilo hlahloba, o fumane hore eo o khethile e bopileng haholo, ’me ha fihla lapeng ha hae a fumana oa mokola a se phehile papa, a itokisetsa ho khabela moroho, ’me ka lebaka la hore ke mohlola a lietsa, ke lona lebaka le entseng hore a batle naepene e kaalo, eo a e ananela, ’me o tla e lefa ka la pele Sepothembere.