MONNA O QOSOA KA PETO EA MOSALI EA SEBETSANG LAPENG HA HAE, MASERU

Monna oa Ha Ts’osane Maseru o lokollotsoe ka beile ea likete tse peli tsa Maloti lekhotleng la ’Maseterata la Maseru, a qosoa ka peto ea mosebeletsi oa lapeng ha hae ka Laboraro la beke ena. Lengolo la qoso le re moqosuoa ea lilemo li mashome a mararo a metso e robeli, ka thoko ho molao, ka maikemisetso a le lapeng la hae, o ile a beta mosali ea sebetsang lapeng leo, liketsahalong tsa Labobeli la beke e fetileng. Lekhotla le laetse hore moqosuoa a lefe mosebeletsi eo, moputso oa khoeli, a mo fe liaparo tsa hae le hore a mo lokolle mosebetsing a ee habo Mapoteng Berea.Moqosuoa o tla boele khotla letsatsing la bots’elela la Motse’anong monongoaha. Nyeoe ena e ne a mametsoe ke ’Maseterata ’Makopano Rants’o.