BACHA BA ITHUTA HO HLAHISA LIHLAHISOA TSA LETLALO LE LIFAHA SEMONKONG

Bacha ba mashome a mabeli ba Lehaeng la likhutsana la Semonkong, ba thupelong ea ho hlahisa lihlahisoa tsa letlalo le lifaha, ka sepheo sa hore ba tle ba iketsetse, tlas’a leihlo le nchocho la moahi oa Ha-Sekoaelana. Mosebetsi ona o tla ka mor’a hore khoeling ea bone selemong sena, monghali Tsotang Thants’i a phallele lehae leo ka likhoho a ba a ts’episa hore ha likolo li koetsoe o tla fana ka thupelo eo. Mookameli oa sekolo Rethabile Mohopolo o re thupelo e tsamaea hantle hoo bahahlauli ba ma-Amerika ba khahliloeng ke ts’ebetso ea bacha bao 'me ba tla reka tse ling tsa lihlahisoa pele ba khutlela Amerika.