'Masechaba Masitha o tla phomotsoa borokong ba ho qetela ka la 13 khoeling ena

Libini tse sebetsang le Moafrika FM, li re li ntse li itlhophela ho boloka se seng tsa sona ’Masechaba Julia Masitha, se tlang ho bolokoa ha khoeli e tlang e tla be e hlola matsatsi a leshome le metso e meraro, Ts’enola Majoe-Lits’oene, Ha-Mothobi, Maseru. ’Mamatebele Mokoenehi ea sebetsang le tsona phutsalatsong kamehla, o re li tla hle li etse seo mofu a neng a tumme ka sona, le hoja a ne a sa tsebe ho bua ka lentsoe le neng le ka utluoa ke mang le mang, haese le teng likhatisong tsa hae tsa ’mino. ’Masechaba Masitha o tla hopoloa ka lipina tse latang: Oa foka moea o mobe, Ke ne ke le semumu le Ts’epo ea ka, letlapeng la Falimehang, ’me o ne a orohe ka la Simione ha khoeli ena e hlola matsatsi a leshome le metso e mene, ka shoalane.