Sekolo se phahameng sa Masianokeng ke bompoli ba tlholisano ea lipapali tsa Futubolo ea likolo

Sekolo se phahameng sa Masianokeng ke bompoli ba tlhlolisano ea lipapali tsa Futubolo ea likolo e neng e ts’ehelitsoe ke Alliance Insurance Company ka kopanelo le mokhatlo oa lipapali oa likolo, LISA, mafelong a beke e fetileng lebaleng la LCS, Maseru. Sekolo sena se hapile mohope, likhau tsa khauta, likete tse supileng le makholo a mahlano tsa Maloti, ha Sekolo se phahameng sa Bereng se tsoile bobeling, ’me se ikhapetse likhau tsa Silevera le likete tse hlano tsa Maloti, athe borarong ebile sa Tsikoane se ts’oasitseng Bronze le likete tse tharo tsa maloti. Phala ea Alliance Insurance Company Limakatso Mokobocho e bua lenaneong la Lipapali ka Lapele la beke ena, e re ke selemo sa boraro joale kh’amphani ea habo e ts’ehetsa lipapali tsena, ’me e tla e itlhatlhoba hore na e sa tsoela-pele ka tsona kapa che.