Areka ea Bashoeshoe e hanana le kopo ea komisi e ikemetseng ea likhetho

Mokha oa Areka ea Bashoeshoe o re ha ho na se o tlamang ho phethahatsa kopo ea Komisi e Ikemetseng ea Likhetho (IEC) ea hore o romelle setho se seng komiting ea molao ea eona, khahlanong le monghali Nyamane Thelingoane eo e reng o hlaha ho ea baetellipele. Lengolo la Areka le re molula-setulo oa IEC a tsebe hore e tsamaisoa ka molao, ’me e khethetse monghali Thelingoane boemong boo ho latela makhabane a hae, ha ho moo e tlotseng molao, ka lebaka leo, IEC e se iketse nts’unya-khare ka ho khethela phathi ea habo hore na o sebetse litaba tsa oona joang. Karabo ena e holim’a kopo ea IEC ho Areka e reng monghali Thelingoane e ke ke ea e-ba setho sa likomiti tse peli.