DC E RE KOMISI E IKEMETSENG EA LIKHETHO HA ENA BOIPHIHLELO, 'MUSO OA PHOTHASELA

Lekhotla la puso ea sechaba, DC, le re komisi e ikemetseng ea likhetho, IEC, ha ena boiphihlelo tsamaisong ea mosebetsi oa eona. Moetellipele oa potoana, a bua 'mokeng oa litaba ka Laboraro la beke ena o itse likhethong tse akaretsang tsa ngoahola mabitso a bakhethi a ile a nyamela ka mohlolo, ha amang a ile a fallisoa ntle ho tsebo ea beng ba ona. Likhethong tse tlang, tsa puso ea libaka, mong. Mathibeli Mokhothu o itse IEC e ferekantse sechaba ka ho se sehe mabatooa bocha, hoo karolo e 'ngoe e iphumanang e le lipakeng tsa mabatooa a mabeli. Oa nkhono Puleng o bile a tsekela liphutsalatso tse ikemetseng, tse khetholloang ke IEC, ka ho li kona lipapatso tsa likhetho tsa puso ea libaka. Smartman sa 'Maamohelang, se bile sa re 'muso oa Lintsokoane le maparamente a ona, o lokela ho soaba ke tsela ee o sebelitseng litaba tsa lefu la Ralikonelo Joki ka ho polotika ka lona, hoja tlaleho ea Sepolesa e bonts'a ha eo a bolaetsoe litaba tse amanang le lebollo, eseng bophatlalatsi le bofuputsi ba hae ba litaba, ho bile ho se moo litho tsa mahatammoho le maneshenale li amehang.